Sosialy

Herisetra mifototra amin’ny mahalahy sy mahavavy 317 isa ireo fitarainana voarain’ny PMM tamin’ny 2019

Sosialy
Alarobia 29 Janoary 2020

Tena mahazo vahana ny herisetra eto amintsika. Tsy hanavahana intsony na vavy na lahy na olon-dehibe na ankizy ireo hiharany fa saika lasibatra avokoa ny sokajin-taona rehetra.

Raha araka ny loharanom-baovao azo omaly dia nahatratra 317 ny fitarainana voarain’ny polisy misahana ny zaza tsy ampy taona etsy Tsaralalana tamin’ny taona 2019 nivalona iny, izany hoe nanomboka ny volana janoary ka hatramin’ny volana jolay. Resaka herisetra avokoa izany ka ny 33 amin’ireo dia fandaozana ny fianakaviana nataona lehilahy na vehivavy. Miisa 137 kosa ny resaka fijangajangana anaty tokantrano, miisa 10 ny tsy fandraisana an-tanana na fikarakarana tsara ny ankizy madinika hataon’ny ray aman-dreny na koa ny mpanabe any am-pianarana raha nahatratra 12 ny trangana tsy fandoavana fiahiana sy famatsiana ara-tsakafo ho an’ny zaza ( pension alimentaire). Miisa 10 kosa ireo trangana herisetra mivantana mihitsy raha 174 ireo karazany hafa.

Pati