Sosialy

Herisetra ara-nofo Aza misalasala hitoroka, hoy ny vadin’ny filoha

Sosialy
Zoma 13 Novambra 2020

Ny fanabeazana no fototry ny fanovana, hoy ny vadin’ny filoham-pirenena, Mialy Rajoelina, raha nidina ifotony teny amin’ny EPP 67 Ha Avaratra sy ny EPP sy CEG Anosibe omaly.

Nanentana ireo ankizy amin’ny ady amin’ny herisetra moa ny tenany, indrindra, manoloana ny fihombon’ireo fihetsika mamoha henatra hita eny anivon’ny fiarahamonina tato ho ato. Eny anivon’ny sekoly, hoy izy, no sehatra voalohany sy lehibe indrindra hahafahana misoroka sy miady amin’ny herisetra. Niara-nampiseho tamin’ny fikambanana Fitia izay tarihiny mikasika ny tokony hatao raha sanatria sendra ireo tsy mataho-tody mikasa hanao izay herisetra ara-nofo izay ny tenany. Nohamafisiny ny antso avo nataony fa tsy tokony hisalasala hitoroka ireo olon-dratsy manoloana ireo trangana herisetra ny rehetra.

J. Mirija