Sosialy

Herisetra an-dalam-be Voasambotra ireo roalahy nidarok’olona teny Ambodimita

Sosialy
Alarobia 01 Desambra 2021

Niparitaka teny anivon'ny tambazotra facebook ny fihetsik'ireo roalahy nandaka ilay mpitondra moto sy namono ilay lehilahy saika hiaro ilay mpitondra moto tetsy Ambodimita Ambohimanarina,

hoy ny fampitam-baovao avy amin’ny polisim-pirenena omaly. Nosamborin'ny Polisy izy roalahy mpisetrasetra ireo ary fantatra fa avy nisotrosotro izy ireo ka niseho be sandry tamin'ilay mpitondra moto sy ilay lehilahy iray hafa, hoy hatrany ny fanazavana. Atolotra ny fampanoavana tsy ho ela izy ireo rehefa vita ny famotorana ataon'ny Polisy . Anterina hatrany fa tsy azo ekena ny fanaovana herisetra toy izao na iza izy na iza ary na inona na inona antony, hoy hatrany ny fampatsiahivana. Ny tena nahasorena ny olona tamin’ny zava-nitranga dia olona 3 mianaka ireo niaraka tamin’ny moto izany hoe ray amandreny sy zaza, saingy tsy niraharaha izany ireo lehilahy, izay hita fa efa mamo tao anatin’ilay fiara Peugeot 309 fa nandaka sy nila vanona ary miaraka amin’ny teny ratsy.Ankoatr’izay , ireo olona niezaka ny nandamina indray no mbola nodarohan’zy ireo sy norahonana.
J. Mirija