Sosialy

Herinaratra tapaka lava Nitroatra ny mponin’Antanimenakely

Sosialy
Zoma 04 Martsa 2022

Omaly alina, nanomboka tamin’ny 8 ora, ny orana amin’io mbola mikija dia mikija saingy tsy noraharahian’ireo mponina teny Antanimenakely Ambohimamory izany fa dia mbola nampivoaka azy ireo hanakan-dalana teny an’arabe ihany.

Herinaratra tapaka efa tafahoatra indray teto no antony, raha ny fampitam-baovao. Izay no nampitroatra ireo mponina. Voaelingelina tanteraka, mazava ho azy, ny fifamoivoizana ary hita ho miha mafy koa, araka izany, ny fahatezeran’ny olona manoloana ity fahatapahan’ny herinaratra tsy mety mivaha ity. Taorian’Itaosy, Ambatomaro, fokontany sy faritra samihafa teto an-drenivohitra, araka izany, dia izao nampiakatra maripana tanaty avy orana izao ny teny Antanimenakely Ambohimamory.
J. Mirija