Sosialy

Hena tsy lany eny an-tsena Hanaovana saosisy na hamidy mora amin’ny mpaka maro

Sosialy
Alatsinainy 25 Martsa 2019

Mora fantatra ny hena hamidy eny an-tsena rehefa tsy vaovao. Efa maimaina mantsy no fijery azy no sady mamoaka fofona koa. Raha araka ny resaka nifanaovana tamina mpivaron-kena iray dia roa andro eo ihany ny hena no azo hamidy raha tsy dia mafana loatra ny andro.

Raha vao mihoatra izay mantsy izy ireny dia efa tena ratsy endrika no sady mamoaka fofona hoy izy. Ho an’ireo mpivaro-kena efa tena matihanina araka ny nambarany dia havadik’izy ireny totoina hatao saosisy ny hena raha vantany vao tsy lany indray andro. Ny tsy hahavery ny fahatokisan’ireo mpanjifa azy no anton’izany no sady tsy hahafaty antoka azy ihany koa. Na izany aza anefa hoy ity mpivaro-kena ity dia misy amin’ireo naman’izy ireo no mbola sahy mivarotra mora ireny hena tsy lany ireny amin’ireo namany hafa ka hamidiny amin’ireo mpanao hôtely mora izany na koa hatokony eny amin’ny sisin-databatra eny amin’ny vidiny 500 Ar dia efa mahazo. Raha 14.000 Ar ohatra ny iray kilao amin’ny hena vaovao sy tsara tarehy dia hahenany 10.000 Ar izany. Tsiahivina anefa fa mankarary ny hena maimbo no sady mahatofoka ihany koa.

Pati