Sosialy

Hazandrano ao amin’ny farihin’Alaotra Mandeha ny aferan’ny mpiasan’ny jono sy ny polisy…

Sosialy
Alarobia 18 Desambra 2019

Mihidy tsy azo hakana hazandrano ny farihin’Alaotra amin’izao fotoana izao, ary afaka herinandro eo vao hisokatra.

Lasa bizina fitadiavam-bola ho an’ny polisy sy ny sampandraharahan’ny jono anefa ny fikatonan’ny ranon’Alaotra, hoy ny fitarainan’ny mponina any amin’ny faritra Ampitandrefana, Ambohitrarivo iny. Izy ireo mihitsy no toa mampirisika an-kolaka ny olona maka hazandrano hatao fitadiavam-bola, hoy ny fitarainana. Tena misy ny firaisana tsikombakomba, hany ka tsy voahaja ny lalàna ary lasa atao fitaovana hanaovana bizina ny fahefana sy ny andraikitra ara-panjakana. Manaitra ny tompon’andraikitra avy aty ambony mba hijery ifotony zava-misy noho izany ireo olona manao ny fitarainana satria ny tokony ho fitaratra amin’ny fanajana ny lalàna indray no manao ny tsy fanao. Efa tao anatin’ny fotoana naharitra roa volana teo no nisian’izany. Ny 23 desambra izao no hisokatra ny ranon’Alaotra ary amin’izay vao tokony ho azo atao ny maka hazandrano ao.

Toky R