Sosialy

Harivola Raharinosy “Mionona anaty tsy fanjariana isika”

Sosialy
Alarobia 24 Aogositra 2022

Misy fitenenin'ny Ntaolo izay hoe "Tsy mahalala menatra ka mitafy lamba imason'ny tompony", hoy ny mpandraharaha mpandala ny maha malagasy, Harivola Raharinosy.

Isika ankehitriny dia tsy mindrana fa manao ny narian'ny hafa izay mbola vidiana koa, hoy izy. Hatramin'ny anatin’akanjo hita eny amin’ny fripy. Firy isan-jaton'ny gasy izao no mahavidy akanjo eny amin’ny botika? Mandamina saina sisa hoe sasana madio io sy pasohana dia miverina toy ny vaovao. Mionona anaty tsy fanjariana isika. Toy ny efa vita vakisiny! Isika moa nilokaloka hamboly hasy. Dia aiza izany izao? Valala tsy an-tanana tsy atolo-jaza. Tamin’ izy niteny ireny ve efa mba nanao “business plan” na nanao “etude stratégique”, izany hoe drafitr’asa sy nijery ny ambaratongam-pilana na “chaîne de valeur” tsara? Dia mbola onena anao aho ry fireneko. "Omeo lamba soga aho tafiako fa ny zandina tsy mifanaraka amiko." Tsy haiko iza no niteny an'io fa tonga ato an-tsaiko fotsiny, hoy hatrany ny tenany.
J. Mirija