Sosialy

Hamehana ara-pahasalamana Naangona vola 452.050 tapitrisa Ar ny Bngrc

Sosialy
Sabotsy 04 Aprily 2020

Betsaka ireo olona tonga manolotra izay foiny hanampiana ny mpiara-belona marefo na marary eto amin’ny firenena amin’izao fotoana hiparitahan’ny tsimok’aretina coronavirus eto amintsika izao.

Ho an’ny birao misahana ny fiatrehana ny loza voajanahary na BNGRC dia efa mahatratra 452.050 tapitrisa Ar ny vola voaangony nanomboka ny 23 martsa lasa teo ka hatramin’ny omaly. Taratasim-bola avokoa ireto farany ka misy avy amina olon-tsotra tsara sitra-po, misy avy amina orinasa, misy avy amina fikambanana…. izay mirotsaka avy hatrany any amin’ny tahirim-bolam-panjakana. Ankoatra ny vola dia misy ihany koa ireo karazana entana sy kojakoja maro samihafa tonga eo am-pelatanan’ny Bngrc izay hozaraina amin’ireo marefo sy sahirana. Nambaran’ny tompon’andraikitra moa fa ezahina hatao mangaraharaha izany mba tena hipaka any amin’ireo olona sahirana na marary tokoa.

Pati