Sosialy

Haintrano tany Ambatondrazaka Zaza roa no saika namoy ny ainy

Sosialy
Zoma 12 Martsa 2021

Zazavavy kely roa niambina trano hazo iray natoriany no saika namoy ny ainy tao amin’ny fokontany Madiotsifafana

Ambatondrazaka omaly vao maraina tokony ho tamin’ny 3ora sy sasany vokatry ny haintrano nitranga tao an-toerana. Tao ambony rihina raha araka ny fantatra no natory izy mirahavavy kely ireto ka tsy nahare na inona na inona. Mpanao fanaka nipetraka teo ampitan’izy ireo kosa no nahatsikaritra ny afo efa niredareda ka nanaitra azy ireo. Niady mafy izy mirahavavy kely vokatr’izany nivoaka tao amin’io trano hazo io saingy na izany aza tsy nisy naratra. May tao amin’ity trano hazo ity avokoa ny entana rehetra sy ny kojakoja tao anatiny raha araka ny fantatra. Na izany aza mbola tsy fantatra izay tena niavian’ny afo.

Pati