Sosialy

Hain-trano tetsy Anosibe Tokantrano folo tsy mbola mahita aleha

Sosialy
Talata 03 Septambra 2019

Tokantrano folo tamin’ireo 52 kilan’ny afo tetsy Anosibe Andrefana I no mbola mijanona ao an-toerana hatramin’ny faran’ny herinandro teo noho ny tsy fahitan’izy ireo izay tokony halehany.

Ny ambiny kosa dia efa saika lasa nody any amin’ny havany avokoa noho ny tsy fahazakany ny fofona sy aretina mety ho azo eny an-toerana. Mipetraka amin’ireo trano lay miisa roa fanomezana avy amin’ny minisiteran’ny mponina sy ny birao nasionaly misahana ny loza voajanahary izy ireo ary arahin’ny fokontany maso. Tsy azo hatao intsony mantsy hoy Atoa Teloson, sefom-pokontany ao an-toerana ny manorina trano hazo ao amin’ity faritra ity. Miantso ny fitondram-panjakana hanampy ireo mponina may trano mba hanangana trano biriky ny tenany. Fantatra koa fa ho avy tsy ho ela ireo malala-tanana hanampy ireto mponina may trano ireto. Raha tsiahivina, ny alin’ny 28 aogositra lasa teo no nisehoan’ny loza.

Pati