Sosialy

Fonjan’antanimora Olona 2 no nahiana ho voan’ny Coronavirus

Sosialy
Sabotsy 28 Martsa 2020

Tsy misy olona voan’ny coronavirus ao amin’ny fonjaben’Antanimora hoy ny Ministry ny Ati-tany Tianarivelo Razafimahefa omaly.

Efa nentina nozahana sy notiliana avy hatrany tany amin’ny hôpitaly manara-penitra Anosiala mantsy ireo olona roa nahiana ho nitondra izany omaly ka fantatra fa tsy misy mitondra ny tsimok’aretina izy ireo ary salama tsara. Tera-tany vahiny (Espaniola) ny iray raha tera-tany Malagasy ny iray izay marihina fa samy lehilahy avokoa. Nomarihin’ity ministra ity moa fa tsy rehefa arahin’ireo fiara 4x4 COVID 19 ireny maso eny anivon’ny Fokontany ny olona iray dia hoe tsy maitsy voan’ny coronavirus . Tsy izay rehetra tonga avy any ivelany ihany koa hoy izy dia marary saingy noho ny fiparitahan’ity tsimok’aretina ity dia tsy maintsy raisina ny fepetra toy ny fihibohana ao an-trano mandritra ny 15 andro, ny fanasan-tanana amin’ny savony matetika, ny fanajana ilay elanelana 1 metatra.

Pati