Sosialy

Fokontany Manarintsoa sy Andavamamba Ankizy miisa 300 nizarana arendrina sy vatomamy

Sosialy
Talata 25 Jona 2019

Ho fankalazana ny fetim-pirenena 26 jona sy ho fanamarihana ny iray volan’ny ankizy dia nizarana arendrina sy vatomamy avokoa omaly ireo ankizy miisa 300 ao anatin’ny fokontany Manarintsoa sy Andavamamba.

Ny sekoly ambony tsy miankina UPRIM no nanatanteraka izany mba hahafahan’izy ireo mankalaza ny fetin’ny Asaramanitra ao anatin’ny hafaliana tanteraka. Samy nahazo ny anjarany na ireo zanaky ny sahirana na ireo antonontonony, tsy nisy navahana. Nambaran-dRakotovaorison Haingo Nadia, tompon’andraikitra voalohany eo anivon’ity sekoly ity fa amin’ny maha Reny azy sy amin’ny maha mpiara-monina amin’ny rehetra azy no antony nanaovany ny hetsika. Tafiditra ao ny fanampiana ireo tena niangaran’ny vintana hahafahany mifaly toy ireo ankizy mitovy taona aminy rehetra.

Pati