Sosialy

Fokontany besarety Trano maromaro no mety arodana

Sosialy
Alatsinainy 16 Martsa 2020

Trano maromaro no mety arodana ao amin’ny Fokontany Besarety, Boriborintany fahatelo, kaominina Antananarivo renivohitra. Voakasik’izany ireo trano miorina ambony lakan-drano.

Eo ihany koa ireo manery ny lakan-drano sy manangana fefy vy amin’ny toerana tsy tokony hanaovana izany, antony miteraka ny tondra-drano eny amin’ity Fokontany iray ity isaky ny fotoam-pahavaratra. Taratasy avy amin’ny kaominina Antananarivo renivohitra moa no manome alalana hahafahana manatanteraka izany, izay efa tonga eo am-pelatanan’ny Fokontany ankehitriny. Hiroso tsy ho ela amin’ny fampahafantarana ireo tokantrano voakasika ireto farany, raha araka ny vaovao azo. Tsy ho an’ireo fanorenana trano tsy ara-dalana ihany fa hanomboka ihany koa ny fanesorana ireo mpivarotra tsy nahazo alalana eny Besarety eny, hoy hatrany ny vaovao.

Pati