Sosialy

Fokontany Andraisoro Mirongatra ny hala-botry, 12 taona dia efa manao asa ratsy

Sosialy
Alarobia 06 Martsa 2019

Mirongatra ny vaky trano sy ny hala-botry ao amin’ny fokontany Andraisoro Boriborintany fahadimy amin’izao, hoy ny lehiben’ny vaomieran’ny fandriampahalemana Rasolofomanana Roland.

Roa na telo isan’andro raha kely ny fitarainana voaray eo anivon’ny fokontany, betsaka indrindra amin’izany ireo olona voaendaka. Ny fiparitahan’ny zava-mahadomelina no antony, hoy izy. Eo ihany koa ny hamaroan’ireo ankizy mitsoaka an-daharana an-tsekoly noho ny hasarotan’ny fiainana. 12 taona mantsy no kely indrindra amin’ireo mpangalatra sy mpanendaka efa tratra. Vao tamin’ny herinandro teo, ohatra, dia olona iray no tratra namaky trano teny an-toerana. Nomarihin’ity lehiben’ny voamieran’ny fandriampahalemana ity fa fepetra efa noraisin’izy ireo amin’izao ny fanapariahana ny andrimasom-pokonolona ankoatra ny fanaraha-maso ireo vahiny tonga mihaodihaody ao an-tanàna nefa tsy misoratra anarana eny amin’ny fokontany.

Pati