Sosialy

Fokontany Anatahizo II Fianakaviana 3200 nozaraina savony sy arotava

Sosialy
Sabotsy 09 Mey 2020

Mitombo isa hatrany ireo olona mararin’ny coronavirus eto amintsika. Ankoatra ny olon-dehibe dia maro ihany koa ireo ankizy lasibatra, antony nanosika ny Association Ahmadiyya Musulmane de Madagascar hijery manokana ireo

mponina ao amin’ny Fokontany Anatihazo II, Andavamamba. Raha araka ny fanazavan’ny misiobera Ahmed Mudassir, izay mpitantana ity ivon-toerana ity mantsy dia sahirana ny ankamaroan’ny mponina ao Andavamamba. Olana na ny fividianana savony aza, antony nanosika azy ireo hizara izany omaly. Fianakaviana miisa 3200 no nahazo tombontsoa tamin’izay izay notolorana aron-tava 3 isan-tokantrano niampy savony. Nampianarina nanasa tanana tamin’ny savony ihany koa ireo mponina ao an-toerana no sady nanaovana fanentanana manokana momba ny aretina coronavirus izay miseho amin’ny endriky ny tazomahery. Ny fikambanana Himanity First avy any Alemana moa no nanampy azy ireo tamin’izany, fizarana izay mbola hitohy any Fianarantsoa sy Manaraka ary Toliara. Tsiahivina moa fa efa nanangana sekoly ao an-toerana ity fikambanana ity hanampiana ireo ankizy efa tokony handia ny varavaran-tsekoly.

Pati