Sosialy

Foara iraisam-pirenena momba ny fambolena Fahombiazana tanteraka, tsy tara ny Airtel

Sosialy
Alatsinainy 16 Septambra 2019

Nifarana omaly alahady 15 septambra rehefa naharitra efatra andro ilay foara iraisam-pirenena momba ny fambolena andiany fahatelo notanterahina teny amin’ny Forello Expo Tanjombato.

Nahatratra an’aliny ireo olona tonga nitsidika izay saika liana tamin’ireo karazam-bokatra misy sy vokarina eto Madagasikara avokoa ny ankamaroany. Tsy diso anjara ny orinasam-pifandraisana Airtel Madagascar izay nanana tranoheva efatra teny an-toerana mihitsy. Anisan’ny nanampian’izy ireo manokana ireo tantsaha mpamokatra ny fanamaivanana ny serasera ara-bola mety tanterahin’izy ireo amin’ny alalan’ny Airtel money. Tao koa ny fampahafantarana ilay tolotra Airtel m’lay izay mety ho an’ny rehetra sady takatry ny fahefa-mividin’ny maro. Nahazo vahana aza ny fitohanana teto an-drenivohitra tamin’iny herinandro nivalona iny noho ny asa fanamboaran-dalana maro isan-karazany dia tsy nahasakana ny mpanjifa tsy hitsidika ny FIA notanterahina teny Tanjombato.

Pati