Sosialy

FLM Ambohijatovo Vangaindrano Nampidirina CNaPS avokoa ireo katekista

Sosialy
Alarobia 31 Jolay 2019

Hisitraka ny fiahiana ara-tsosialy manomboka izao ireo katekista eo anivon’ny Fiangonana Loterana Malagasy (FLM) ao Vangaindrano anatin’ny Synodam-paritany Atsinanana.

Nandritra ny fampianarana nentin’ny CNaPS Farafangana tao amin’ny FLM Ambohijatovo Fokontany Ambohijatovo Vangaindrano no nanaovana izany. Nofanina manokana mikasika ireo karazana fanampiana ara-tsosialy omen’ny Tahirim-pirenena izy ireo. Voalohany ny fanampiana ny fianakaviana izay ahitana ny volan’ny bevohoka, ny volan-jaza izay lasa 6 000Ar isan-jaza isam-bolana manomboka vao teraka ka hatramin’ny faha-21 taonan’ilay ankizy, ny fanonerana ny vola lany teo am-piterahana, ary ny antsasa-karama ho an’ny vehivavy miasa. Faharoa dia ny solo-takaitra sy ireo saram-pitsaboan araha sanatria tra-doza na marary vokatryny asa ary fahatelo ny fisotron-dronono hoa ‘ny zokiolona rahatrizay tonga ny fahanterana. Ireo tompon’andraikitry ny FLM ao anatin’ny synoda atsinanana rehetra dia samy resy lahatra fa zava-dehibe ny fisitrahana ny zo ara-tsosialy. Ka ankoatry ny fiofanana ara-teorika dia nampiharina avy hatrany ny zavatra azo ka noraisina mpikambana CNaPS teo noho eo ireo katekista arivo mahery.

RTT