Sosialy

FIZASOA Hamondrona ireo zanak’i Soanierana Ivongo eto afovoan-tany

Sosialy
Alakamisy 04 Aprily 2019

Fikambanana efa niorina tamin’ny taona 2014 ny FIkambanan’ny ZAnak’i SOAnierana Ivongo (FIZASOA) raha telo taona izao no nijoroany ara-panjakana.

Antom-pisiany ny hamondrona ireo zanak’i Soanierana Ivongo monina eto Antananarivo hahafahana mampandroso ny faripiainan’izy ireo sy ny distrika niaviany. Amin’ny ankapobeny, misedra olana izy ireo rehefa tojo zavatra tsy ampoizina. Anisan’ireny ny fahafatesana, ny fahaterahana … Manao antso avo amin’ireo terak’i Soanierana Ivongo ny filohan’ny fikambanana Rasolofomanana Roland hiditra ho mpikambana hahafahana mifampitsinjo. Tsiahivina fa manana fikambanana ihany koa ireo mpianatra avy any Soanierana Ivongo mandranto fianarana eto Antananarivo tarihin’Atoa Jacquelin. Hetahetan’ireo tanora ireo ny hanamorana ny fitadiavany asa aorian’ny fahavitan’ny fianarana. Miisa 50 ireo mpianatra mpikambana ankehitriny raha 22 tafo kosa ireo olon-dehibe.

Pati