Sosialy

Fizarana vatsy tsinjo Ireo traboina manana karnem-pokontany no hahazo

Sosialy
Alatsinainy 31 Janoary 2022

Hanomboka anio alatsinainy ny fizarana ilay vary tsinjo fanomezana avy amin’ny Fitondram-panjakana ho an’ireo traboina.

Na izany aza ireo manana karnem-pokontany biometrika sy ireo misora-pokontany ara-dalana ao amin’ny faritra misy ny trano fonenany ihany no afaka hisitraka izany. Tanjona ny hanamorana ny fizarana hoy hatrany ny vaovao. Ao amin’ny Fokontany Andohatapenaka II sy Ankorondrano moa no hisantarana izany anio raha araka ny fanazavana azo teo anivon’ny fiadidian’ny Repoblika omaly alahady. Mety eny anivon’ny Fokontany nefa mety eny amin’ny toerana misy sy handraisana ireo traboina no hitsinjarana izany raha araka ny fantatra. Tsiahivina fa ahitana vary milanja 25 kg sy legioma 3 kg, ary menaka iraay litatra ity fanampiana vary tsinjo ity. Toraka izany koa ny savony, sardine, CVO hiarovana amin’ny aretina Covid 19. Omaly no natao ny fanamboarana ireo karazana fanampiana ireo ary natao tao anaty sachet plastika tetsy amin’ny lapan’ny kolontsaina sy ny fanatanjahantena etsy Mahamasina.
Nangonin’i Pati