Sosialy

Fizarana fanampiana Ny zokiolona indray no nampiandrasana fotoana maharitra

Sosialy
Alarobia 01 Aprily 2020

Tsy mety miala eny amin’ny biraom-pokontany ny ankamaroan’ireo zokiolona eto amintsika izay fantatra fa nataon’ny Filoham-pirenena laharam-pahamehana

amin’ny fizarana fanampiana ho an’ireo marefo ao anatin’izao fotoanan’ny fihibohana izao. Taorian’ny teny Sabotsy Namehana dia nahitana izany indray omaly ny tetsy Ivandry. Raha araka ny siosion-dresaka nandeha dia lasa zokiolona 35 isa isaky ny Fokontany ihany sisa no mahazo izany fanampiana izany. Amin’ny ankapobeny anefa dia tsy misy fanavahana ny fizarana ny fanampiana ary efa nambaran’ny filoham-pirenena fa efa fantatra avokoa ireo zokiolona rehetra ary efa mipetrapetraka ny fomba hizarana ny fanampiana. Nohamafisiny ihany koa fa aterina isam-baravarana amin’izay izany hisorohana ny filaharam-be, fandaminana iarahana amin’ny sefom-pokontany tsirairay avy. Ilay fandaminana asa mihitsy araka izany no tsy mety ankoatra ireo mpanararaotra. Antso avo araka izany no hatao amin’ireo tompon’andraikitra mba hanara-maso ireny fanampiana ho an’ny marefo ireny fa tena misedra olana izy ireo.

Pati