Sosialy

Fizarana fanampiana ‘’Mizaka ny tsy eran’ny ainy ireo sefo fokontany”

Sosialy
Alarobia 06 Mey 2020

Na fahazoam-baovao na fampitam-baovao avy amin’ny foibe dia hita ho miteraka savorovoro daholo ankehitriny, raha ny fahitan’ireo mpitantana fokontany azy, indrindra, mahakasika ireo fanampiana.

Ny vaovao avy amin’ny filoham-pirenena, ohatra, izao, hoy ny filoham-pokontany etsy Ampefiloha Ambodirano, Mbolatiana Eugene Razafimahatratra, dia maro amin’ireo mponina no mihinana azy am-bolony. Miezaka manao izay azony atao ny fokontany mba hisorohana ny mety ho fipoahana ara-tsosialy amin’ny tsy fifankahazoan-dresaka, hoy izy. Nomarihiny fa tsy mandray tombontsoa amin’ny resaka fanampiana ny fokontany na an-kolaka io na mivantana. Mandamina sy mandrindra ny fitsinjarana ireny fanampiana ireny ihany no anjara asan’ny fokontany, hoy izy, fa efa misy ny tompon'andraikitra mpizara. Ny olana dia isaky ny mandeha ny fizarana dia misy ampahany amin’ireo mponina amina toerana na “secteur” ihany no mahazo dia efa mivadika toeran-kafa ny mpizara dia avy eo ireny tsy nahazo ireny mitambatambatra no maneno. Tsy mipetraka mazava tsara, hoy ny fanazavana, hatramin’izao ilay fizarana dia izahay sefo fokontany no lasa mizaka ny tsy eran’ny ainy.

J. Mirija