Fiverenan’ny soatoavina malagasy

Manomboka mitombo any anaty fiarahamonina

Sosialy
Zoma 05 Desambra 2025

Tovovavy iray vao andeha hivarotra

maraina no nanenjera entana rehefa voadonan’ireo hazo fiantonana akanjo amidy teny an-tsisin’ny lalan’Ambodin’Isotry iny omaly, hoy ny fitantaran’ny nanatri-maso ny zava-niseho. Mpivarotra hani-masaka ilay tovovavy. Very tsy nisy noraisina teo amin’ny arabe ny entana tokony amidiny rehetra. Ontsa azy avokoa, noho izany, ireo nanatri-maso ny zava-niseho ary samy nanome vola hanonerany ny fatiantoka vokatr’ity fahavoazany ity. Nihoatra lavitra noho ny tombom-barotra tokony ho azony indray aza no azon’ilay tovovavy, raha ny fitantaran’ireo nanatri-maso hatrany. Heverina fa isan’ny endriky ny fiverenan’ny soatoavina malagasy miha mivoy any anaty fiarahamonina tsirairay any ny tranga toy itony, hoy ihany ny fanehoan-kevitra voaray.
Nangonin’i J. Mirija