Sosialy

Fivarotana vy Mamelona ankohonana maro, 700 Ar ny kilao

Sosialy
Talata 02 Novambra 2021

Anisan’ny asa iray tsy mitsahatra ny mahazo vahana ny asa fivarotana vy eto an-drenivohitra. Mamelona ankohonana maro izy io,

akora fototra karohina hatrany anaty tany sy any anaty fako, hamidy 700 Ar ny iray kilao. Raha araka ny fanadihadiana natao tamina ankohonana iray mivelona amin’ity asa ity dia olona 4 mianaka izy ireo no mandeha mivoaka ny trano mba hikaroka vy isan’andro. Miezaka ny mahazo 1 kg isan’olona izy ireo hividianana ny sakafo hanina isan’andro ka misy eny amin’ny fako no mikaroka izany, misy miady lavaka mihitsy mba ahitana vy ankoatra ireo mandehandeha mitety tanana mijery ireo karazam-by tsy ilain’ny olona intsony toy ny lavarangana vy simba….Misy mandray foana ny vy isan’andro raha ny fantatra. Havadik’ireo mpanam-bola ho lasa vy fanamboarana trano indray mantsy izy ireny avy eo rehefa avy arendrika. Tsy mitsaha-mitombo rahateo ireo mpanamboatra trano eto amintsika na dia sarotra aza ny fiainana. Na izany aza anisan’ny lafy ratsin’ity asa fivarotana vy ity kosa ny fihitaran’ny sain’ireo olona mpitady izany amin’ny ratsy. Maro amin’ireo karazana foto-drafitrasa vita amin’ny vy eto amintsika mantsy no misy sahy manendaka mihitsy raha tsy lazaina intsony ny vy amin’ny varavaram-pasana, ny paompin-drano….tranga izay hita sy misy hatrany amin’ny faritra.
Pati