FIVAPOVA ANALAMANGA

Nizara arendrina sy lamba firakotra ho an'ireo sahirana

Sosialy
Alarobia 25 Jona 2025

Nizara fanomezana ho an’ireo olona tsy manan-kialofana eny an-dalambe ny

FIVAPOVA ANALAMANGA ny alin'ny 23 Jona teo. Lamba firakotra sy arendrina no natolony tamin'izany noho ny fahatongavan'ny Fetin'ny 26 Jona. Nitatika izany ny vadin’ny Minisitrin’ny Filaminam-bahoaka sady Filoham-boninahitry ny FIVAPOVA. Nandray anjara feno tamin’ity tolo-tanana ho an’ny mpiara-belona ity koa ireo mpandrindra nasioanin’ny FIVAPOVA sy ireo vehivavy tompon’andraikitra ambony ao amin’ny Ministeran’ny Filaminambahoaka. Tsy mijanona amin’ny fanomezana ho an’ireo tsy manan-kialofana tahaka izao ihany moa ny asa sosialy ataon’ny FIVAPOVA fa mamangy ireo voafonja sy manapy ireo zaza kamboty koa. Sahirana sy tsy manan-kialofana am-polony no nisitraka izany toy ny tao ambany tonelina Analakely, ny tetsy Ambohijatovo, ireo matory eo amin'ny tobim-piantsonan'ny taxibe Anosy sy Ampefiloha izay marihina fa zaza amam-behivavy ny ankamaroany.
Pati
Légende : Nandritra ny fizarana ny fanampiana !