Sosialy

Fitsinjovana ireo Zokiolona Hatsaraina, haparitaka ny fizarana «pension »

Sosialy
Alakamisy 20 Aogositra 2020

Hatsaraina ny fomba fizarana ny vola fisotroan-dronono eto amintsika manomboka izao raha araka ny fanazavan’ny Tale Jeneralin’ny Tahirim-bolam-panjakana nandritra ny fitsidihany ifotony nataony teny amin’ny « Perception Principale Avaradrano ».

Hanomboka amin’ny volana septambra ho avy io izany. Anisan’ny fanavaozana entiny ny fampandrosoana ho herinandro mialoha ny fotoana fizarana izany ary haharitra 2 herinandro ihany koa ny fitsinjarana. Manana vinavina ny hametraka masoivoho eny amin’ny manodidina an’Antananarivo ihany koa izy ireo toa ny eny Itaosy, Alasora, Sabotsy Namehana, Ambanintsena, … ialana amin’ny fandehanan’ireo zokiolona amin’ny toerana lavitra handeha haka ny volany. Hifampiraharaha amin’ireo banky sy sehatra voakasik’izany izy ireo hahafahana manamora ny fizarana ny fisotroan-dronono. Hisy ihany koa atsy ho atsy raha ny vinavina ny fandoavana ny fisotroan-dronono amin’ny alalan’ny mobile money.

Pati