Sosialy

Fitsarana tany Fianarantsoa Mbola tsy tonga indray ilay voapanga ho nanolan-jaza

Sosialy
Alarobia 17 Jona 2020

Nandeha omaly ny fitsaràna ny raharaha fanolanan-jaza naha voapanga Chef zap rehefa nakarina tao amin'ny fampanoavana na « Cour d'appel », ao Fianarantsoa. Raha ny vaovao voaray dia tsy tonga indray na ny voampanga na ny mpisolo vava azy.

Tokony nandeha ny 21 aprily ka nahemotra ny 19 may, saingy izao vao tontosa ny fitsaràna, raha ny fampitam-baovao hatrany. Tsy namaly ny antso natao azy mihitsy ilay tompon'andraikitry ny fampianarana voalaza fa nanolana zanaka mpampianatra, tany amin'ny faritr'i Vatovavy Fitovinany. Nangataka onitra 8 tapitrisa ariary ary nitaky ny hanasaziana io nanolana an-janany io, noho izany, ilay renim-pianakaviana izay mpampianatra ihany koa. Ho fantatra amin'ny 21 jolay izao ny didy havoakan'ity rafim-pitsarana voalaza teo ity, raha ny fanazavana hatrany.

J. Mirija