Sosialy

Fitsarana ireo ady madio Hanomboka ny alatsinainy 4 mey

Sosialy
Alakamisy 30 Aprily 2020

Hitohy ny manomboka ny alatsinainy 4 mey ny raharaham-pitsarana eny Anosy. Ireo didim-pitsarana tokony nivoaka tao anatin’ny fihibohana ihany anefa no handeha.

Efa mipetraka eny amin’ny fitsarana avokoa ny daty sy ny ora hanatanterahana ny fotoam-pitsarana manomboka ny alatsinainy, saingy ireo raharaha ady madio no voakasik’izany: ady tany, fiterahana, fisaraham-panambadiana, ady ara-barotra,… Ireo tokony nivoaka ny 1 aprily dia mivoaka ny 1 mey, fa tsy hoe miara-mivoaka amin’io fotoana io avokoa. Ireo tena voakasiky ny raharaha no tokony ho tonga eny amin’ny Fitsarana miaraka amin’ny karapanondrom-pirenena. Mihatra ihany koa fepetra ara-pahasalamana, toy ny fanaovana arotava.

Toky R