Sosialy

Fitrandrahana ny farihin’i Tritriva Lehilahy iray tsy nahazo alalana no tratra

Sosialy
Talata 23 Jolay 2019

Lehilahy iray izay tsy nahazo alalana akory avy amin’ny minisiteran’ny tontolo iainana, efa nitrandraka ny farihin’i Tritriva ao Antsirabe nandritra ny fotoana maro no tratra ka nampiatoana tamin’izany.

Raha ny fanazavan’ny Ben’ny tanànan’Antsirabe, efa in-telo nampitandremana ity lehilahy ity saingy tsy niraharaha fa ny nataony ihany no nataony. Mampiasa ireny “cable” lehibe hahafahana miampitapita any anaty ala ireny izy izay fantatra fa efa tena nahazoany vola betsaka tokoa. Nirotsaka an-tsehatra anefa ny talem-paritry ny tontolo iainana any an-toerana rehefa nahalala ny tena marina ka nanaiky ny hiala ilay lehilahy. Marihina moa fa tafiditra ao anatin’ny vakoka iraisam-pirenena arovana ny farihin’i Tritriva noho izany tsy azo ekena ny fitrandrahan’olon-tsotra tsy ara-drariny izany.

Pati