Sosialy

Fitaterana ana habakabaka Mety haato ny zotram-piaramadina avy any Azia

Sosialy
Alarobia 29 Janoary 2020

Tsy mipetra-potsiny ny fitondram-panjakana ankehitriny manoloana ny fihanak’ilay Coronavirus, otrik’aretina mamely ny taovam-pisefoana.

Ankoatra ny minisiteran’ny fahasalamam-bahoaka dia mandray ny andraikiny ihany koa ny an’ny fitaterana. Raha araka ny fanazavan’ny Minisitra Joel Randriamandrato omaly mantsy dia efa nanontany ny sampandraharahan’ny firenena mikambana misahana ny fahasalamana na ny OMS izy ireo raha tokony hakatona vonjimaika aloha ny zotram-piaramanidina mampitohy an’i Madagasikara amin’i Azia. Narahina fivoriana niaraka tamin’ny minisiteran’ny fahasalamam-bahoaka izany ka nahafantarana fa tsy atahorana eto amintsika aloha ity aretina ity hatreto. Na izany aza dia nohamafisina ny fiarovana. Anisan’ireny ny fizahana ny fahasalaman’ireo olona miditra sy mivoaka ny seranam-piaramanidina sy seranan-tsambo miisa sivy manerana ny Nosy, ny fandraisana an-tanana avy hatrany ireo manana maripana mihoatra ny 38 °…ary ny fandefasana izany any amin’ny hopitaly Anosiala raha sanatria ka tena mampanahy ilay aretina.

Pati