Sosialy

Fitaterana an-tsokosoko Olona 17 tratra saika hiondrana atsy Mayotte

Sosialy
Alatsinainy 24 Aogositra 2020

Tra-tehaky ny zandary tao Ampasimbary Kaominina Antafiambotry Distrika Ambanja, ny sabotsy teo, ny andian'olona saika hiondrana an-tsokosoko amin’ny lakana misy motera hiazo an’i Mayotte.

20 izy ireo fa ny 17 no tratra. Tany amin'ny faritra Ampasindava no hita ilay lakana misy motera hiondranan'ireto olona ireto. 8 hetsy sy 2 tapitrisa Ariary ny saram-piondran’ny olona iray, ary efa voaloa amin’ilay mpitondra ny lakana misy motera avokoa ny sarandalan’izy 20 saika hiondrana, araka ny loharanom-baovao. Olona avy ao Nosy-Be, Antsiranana, Mahajanga ary avy any amin’ny Faritra SAVA izy ireo. Nogiazana ilay lakana.

Jean D.