Sosialy

Fitaovana misy “mercure” Tsy azo ampiasaina fa mahavoan’ny homamiadana

Sosialy
Alatsinainy 16 Martsa 2020

Tsy azo ampiasaina eto Madagasikara intsony ireo karazam-pitaovana ara-pahasalamana misy merikiora izay mahavoa ny homamiadana.

Ny vehivavy raha araka ny fantatra no mety tena hitondra takaitra ratsy amin’izany toy ny fahasamponan’ny zaza vao teraka, ny fahafahan-jaza tsy tonga volana….Tafiditra ao anatin’ireo fitaovana ireo ny fitsapana hafanana sy ny fitsapana tosi-drà izay tena fampiasain’ny tokantrano maro tokoa, indrindra fa ireo vehivavy sy ankizy madinika ary ny voky taona. Toraka izany ihany koa ny takamoa. Azo hatao tsara araka izany ny manakalo ireo fitaovana ara-pahasalamana misy merikiora ireo eny amin’ny INSPC Mahamasina, ny sampan’ny Ministeran’ny Fahasalamam-bahoaka ao Tsaralalana ary soloina maimaim-poana amin’ireo karazam-pitaovana mitovy aminy tsy misy merikiora intsony. Tsiahivina moa fa tafiditra ao anatin’ny fampiharana ilay fifanarahana Minamata nosoniavin’i Madagasikara tamin’ny taona 2015 ny fanafoanana ny fampiasana ireo karazam-pitaovana misy merikiora ireo eto amintsika.

Pati