Sosialy

Fitantanana ny rano eto Iarivo Mandrindra asa ny AUE sy ny Boriborintany faha-4

Sosialy
Alarobia 04 Septambra 2019

Nampivory ny AUE (Association des Usagées de l’eau) miisa 184, izay mitantana fotodrafitrasa toy ny paompin-drano sy ny toerana fanasan-damba ny teo anivon’ny boriborintany fahefatra,

kaominina Antananarivo Renivohitra (CUA) omaly 3 septambra, izany dia notarihan’ny lefitra faharoan’ny delegen’ny Boriborintany Andry Razafindrakoto. Ny tanjona dia ny fanolorana ny paikady hoentina handrindrana sy hanatsarana ny fomba fikojakojana ny fotodrafitrasa toy ny fanamafisana sy ny fanaovana ny tatitra ara-bolan’ny fikambanana, ny fe-potoana anaterana ny tatitra eny anivon’ny boriborintany izay ny 1 hatramin’ny faha-10 ny volana, ny fanokafana kaonty OTIV hametrahana ireo ambim-bola sisa, ary ny fangalana fankatoavana eny anivon’ny boriborintany ireo famoaham-bola izay mihoatra ny 100 000 Ar sy ny fanamafisana ny taratasy fanamarinana ara-dalàna ny fampiasana ny vola rehetra. Marihana fa fivoriambe faran’ny Boriborintany sy ny mpitantana fotodrafitrasa tamin’ity taona 2019 ity izao natao izao, ary tapaka ihany koa ny hanatanterahan’ny roa tonta fitsangantsanganana izay fanao isan-taona, ka ny 4 oktobra ho avy izao no hanaovana azy.

Toky R