Sosialy

Fiovaovan’ny toetr’andro Mamparefo ny fahasalaman’ny zokiolona

Sosialy
Zoma 31 Aogositra 2018

Miovaova be ihany ny toetr’andro eto amintsika. Mangatsiaka ny maraina, mihamafana amin’ny antoandro ary migaingaina mila tsy ho zaka mihitsy indraindray.

Misy fiantraikany goavana amin’ny fahasalaman’ny zokiolona ny fisian’ireny tranga ireny, raha araka ny fanazavan’ny dokotera Ratafika. Ankoatra ny tsy fahampian-drano mety hahazo azy ireny mantsy dia mikorontana ihany koa ny toe-batany ka mety hampiakatra be na hampidina be ny tosidrany. Mety handeha ra ihany koa ny oron’ny zokiolona ka ilana fitandremana. Vahaolana aroson’ity mpitsabo ity ny tokony hisotroana rano betsaka. Toraka izany ny fandehanana amin’ny toerana na faritra malomaloka ka manaraka andro aza rehefa mangatsiaka iny dia tsy tokony hijanona ela. Nomarihin’ity dokotera ity fa mety hiteraka aretina maro samihafa eo amin’ny zokiolona ihany koa ny faharefon’ny toe-batany.

Pati