Sosialy

Fiovan’ny kalitaon’ny rano Nivondrona hamonjy an’Andraikiba ny fikambanana maro

Sosialy
Alatsinainy 10 Aogositra 2020

Taorian’ny fandinihana natao nahitana fa miha ratsy ny kalitaon’ny rano ao amin’ny farihin’Andraikiba dia nivondrona ny avy eo anivon’ny Jirama ao an-toerana, ny fiadidiana ny faritr’I Vakinankaratra,

ny fitaleavana rezionaly momba ny tontolo iainana ary ny fikambanana “Sauver Andraikiba” fa ilaina ny mamboly hazo manodidina ity farihy manan-tantara ity. Mbola ho famonjena ity vakoka ity hatrany dia nanapa-kevitra ireto mpiara-miombon’antoka ireto fa hametraka toerana fanasan-damba isaky ny kaominina. Maro amin’ireo mpanasa lamba, raha ny fampitam-baovao, no manana fahazaran-dratsy hanao ny farihy ho fanasan-damba. Fepetra tsy maintsy raisina maika araka izay azo atao ihany koa, araka izany, ity fampitomboana ny toeram-pisasana sy fanasan-damba isaky ny kaominina ity, hoy hatrany ny fanazavana.

J. Mirija