FIOMPIANA BITRO

Asa mahavelona tsara

Sosialy
Alatsinainy 21 Jolay 2025

Asa iray anisan'ny tena mahavelona tsara ny asa fiompiana bitro

eto amintsika raha hilofosana tsara. Mety hahatratra hatrany amin'ny 8 kg mantsy ny bitro iray amin'ireo karazany tsara rehefa tena lehibe, mahasolo hen'omby malemy sy matsiro raha hatao laoka. Efa mahatratra 5.000 Ar rahateo ny iray plat aminy raha misakafo any amin'ny hotely. Nivondrona nampahafantarana izany ireo mpiompy bitro eto Antananarivo sy avy any amin'ny faritra,ka nikarakara Salon mifandraika amin'izany tetsy amin'ny zaridainan' Antaninarenina.Ny faran'ny herinandro teo no nanaovana izany ka Atoa Faniry filohan'ny Ferme Acacias no nitarika ny hetsika izay manana tanjona hanohy izany isan-taona. Nambarany fa efa tena betsaka ny filana ato anatiny sy ny any ivelany,manjifa ny henana bitro ka tokony hotrandrahana.Betsaka ireo liana tamin'ity hetsika ity izay marihina fa niaraka tamin'ny toro-lalana mikasika ny fomba fikarakarana ny bitro sy ny sakafony. Toraka izany koa ireo karazana fiitaovana ilaina amin'ny fiompiana.
Nangonin'i Pati
Légende : Efa betsaka ireo olona liana amin'ny fiompiana bitro eto amintsika !