Sosialy

Fiomanana amin’ny fahavaratra Sokirina ny lakandrano ao Ambatondrazaka

Sosialy
Alatsinainy 14 Desambra 2020

Natomboka ny sabotsy teo ny fisavàna lakandrano mba ialàna amin'ny fiakaran'ny

rano mialoha izao fotoam-pahavaratra izao, indrindra ho an’ireo mipetraka ety amin'ny faritra iva ao Ambatondrazaka renivohitra. Teo amin'ny Vasta taloha no nanombohana izany, ary hitohy any amin'ireo toerana maro samihafa misy lakandrano tsentsina tsy maintsy ho savaina. Nanentana hatrany ireo olona manodidina mba hifanabe sy hifampitaiza tsy hanary fako ao anaty lakandrano ny ben’ny tanàna. Efa natao ny fandaminana amin'ny ora tokony hanariana fako amin'ny toerana napetraka ho fanariana izany. Isika rehetra no samy handray andraikitra sy ho sarotiny amin'ny fitandroana ny fahadiovana sy filaminan'ny tanànantsika. Ambatondrazaka tananantsika madio sy mandroso no tanjona, hoy ny fanentanana sy ny fanamby.

Toky R