Sosialy

Fikambanana FILEFA “Tsy mpisoloky izahay fa mijoro ara-panjakana”

Sosialy
Alarobia 18 Septambra 2019

Nanambara ny olana nosedrainy tany Moramanga, tamin’ny faran’ny herinandro teo ny filohan’ny FIkambanan’ireo olona LEo ny FAhantrana (FILEFA) Atoa Razafindrakoto Gérard, omaly.

Nisy nilaza ho mpisoloky izy ireo raha tonga tany an-toerana nikasa hamory vahoaka mba hangataka tanim-panjakana hahafahana manorina trano ho an’ireo tena sahirana. Nisy nilaza ihany koa fa tsy ara-dalàna ny fikambanany ka namoahana didy fampisamborana mihitsy ny filohany. Raha ny fanazavan-dRazafindrakoto Gérard, mijoro ara-panjakana ny fikambanana tantanany. Ankoatra ity distrika izay notsidihiny tamin’ny faran’ny herinandro ity dia olona tena sahirana indrindra tsy manan-kialofana telo teto an-drenivohitra no efa nanamboaran’ny fikambanana trano, nahafahana tamin’ny fanofana trano isam-bolana, volana vitsivitsy lasa izay. Miantso ny fitondram-panjakana mba hijery ny olana sedrainy ny FILEFA. Voatery natao tamina EPP iray tany an-toerana ny famoriam-bahoaka nataony tao Moramanga vokatry ny resabe niely momba ny fikambanana.

Pati