Sosialy

Fikambanana Ahmadiyya Hitsabo maimaimpoana eto Madagasikara

Sosialy
Alatsinainy 30 Aprily 2018

“Fitiavana ho an’ny rehetra. Tsy fankahalana an’iza na iza.” Io no teny filamatry ny avy eo anivon’ny fikambanana silamo Ahmadiyya.

Omaly moa dia nampahafantatra tetsy Andavamamba ny tanjona tian’izy ireo hotratrarina fonosin’ny teny filamatra ny fikambanana. Raha ny fanazavana dia hisy ny fitsaboana maimaimpoana hotanterahan’izy ireo any amin’ireo faritra misy ny fikambanana dia ny eto Antananarivo sy Toliara ary Fianarantsoa manomboka ny 2 ka hatramin’ny 11 mey izao. Fitsaboana hanampiana ny olombelona rehetra, hoy izy ireo, no tanjona ary tsy misy fanavahana na fivavahana na finoana na volon-koditra na firazanana na fiaviana. Misy dokotera vahiny 3 ho avy miaraka amin’ny mpitsabo mpanampy Malagasy hanatanteraka fizahana maimaimpoana sy hanome ny fanafody mifandraika amin’ireo aretina. Nomarihin’ny fikambanana fa tsy hoferana ny isan’ireo marary horaisin’izy ireo. Maherin’ny 710 ireo firenena misy ity fikambanana ity eto ambonin’ny tany, raha ny fanazavana hatrany.

J. Mirija