Sosialy

Fihazakazahana maka vatsy tsinjo Nahitana taratra ny fahasahiranam-bahoaka

Sosialy
Zoma 18 Febroary 2022

Tena sahirana ny vahoaka Malagasy. Raha vantany vao nahare fanomezana kely na avy amin’ny fanjakana na tsia dia samy mihazakazaka mamono tena avokoa sitrany ahay mahita indray mandeha mandrotsaka.

Hita taratra izany nandritra ny fizarana ilay Vatsy Tsinjo ho an’ny Boriborintany I sy ny Boriborintany faha-efatra izay efa nanomboka afak’omaly Alarobia. Ho an’ny Boriborintany I dia tokantrano manodidina ny 1.440 no nisitraka izany avy amin’ny Fokotany Andranomanalina centre, Bekiraro, Antaniavo, 67Ha centre Ouest. . Ho an'Antananarivo IV kosa dia miisa 1611 ireo tokantrano nahazo fanampiana ka ny fokontany Ambohibary sy Ankaditoho Maroroho no efa nahazo izany fanampiana izany. Ahitana vary 25 kg, voamaina, menaka soja 1 litatra , sardines 02, savony, sira, koba aina, ary ronono amin'ny boaty io fanampiana io. Ireo manana ilay karinem-pokontany misy QR code ihany moa no mahazo izany hahafahana mandrindra ny fitsinjarana ireo fanampiana ireo. Na dia teo aza moa ity fanampiana ity dia mbola olan’ny isan-tokantrano indray koa ny nanangona volakely nanakarama posy nitondra azy noho ny harerahana amin’ny fitadiavana sy ny fitotoana isan’andro ka tsy hananana vovok’aina intsony.
Pati

Legende : Nololoavina tahaka izao ny an’ireo tsy nahita saran-dalana ho an’ny posy