Sosialy

FIEPA Manasongadina ny vokatry ny fiompiana sy ny fambolena

Sosialy
Zoma 09 Desambra 2022

Tranoeva an-jatony no indray mandray anjara amin’ny tsena be FIEPA etsy amin’ny kianja Barea Mahamasina ka anisan’ireny ireo mpamokatra sakafom-biby sy fanafodim-biby.

Toraka izany ihany koa ireo karazana fambolena toy ny hazo fihinam-boa… Nambaran’ny dokotera Raymond, ministra lefitra misahana ny fiompiana izay tonga nanokatra sy nanome voninahitra ny lanonana fa tsy mijanona ho antsika eto Madagasikara ihany izao hetsika goavambe momba ny fiompiana sy ny fambolena izao. Efa afaka haondrana soamantsara any ivelany ihany koa mantsy hoy izy ireo karazam-bokatra misy eto amintsika, antony hitadiavana lalambarotra tsy mitsahatra ho an’ireo tantsaha mpiompy sy mpamokatra. Mikasika ny fiompiana akoho sy ny fanakotrehana atody manokana dia nambarany fa efa afaka mampiasa ny teknolojia avo lenta isika eto Madagasikara ankehitriny.
Pati
Legende : Atody marobe no hamidy etsy amin’ny FIEPA etsy amin’ny kianjan’i Barea