Sosialy

Fidinan’ny vidin-tsolika Tsy mampiova ny saran-dalana hatreto

Sosialy
Alatsinainy 24 Jona 2019

Efa nilaza ny mpitatitra sasany fa kely ny fidinan’ny vidin-tsolika, ka tsy ahafahana mampidina saran-dalana, izay midika fa tsy nisy fiantraikany aloha hatreto.

Natao be filaza ka nahatonga ny ankamaroan’ny olona nihevitra fa 1000Ar any ho any fihenana. Mety azo tsotsorina amin’ny hoe lanja miakatra, fa raha zohiana dia 52,84% ny fiakaran’ny vidin-tsolika nanomboka ny fanonganam-panjakana 2009 hatramin’ny 2018 satria 2640Ar ny lasantsy no tafiakatra 4035Ar, raha toa ka 4200Ar ny vidiny farany nialoha izao. Ny 2010 fotsiny no nisy 14 ny fiakarany. Nitotongana ny toekarena, indrindra ny sandan’ny ariary, izay tena iankinan’ny vidin-tsolika. Tena mipetraka ho tantara ara-toekarena sy ara-tsosialy tokoa araka ny tenin’ny filoha ve iny, raha 1560Ar ny fiakarana tao anatin’ny 10 taona, dia nisy fidinana 100Ar na 150Ar monja fotsiny ? Izaho ary mahita fa vao maika mahazo be ny mpamatsy solika ankehitriny satria mamboly tohana fitohanana ny “trottoir” na lalana tsy simba no amboarina... amin’ny fanapahan-dalana amin’ny ora fiasan’ny mpiasa, izay tokony halamina. Mety misy firaisana tsikombakomba satria raha solika 5L mahavita ny mpianakavy isan'andro, manjary 10L raha kely ankehitriny. Manginy ny tsy fahafaha-mamokatra fa miesona anaty fitohanana. Mitombo fahasahiranana izany ny vahoaka, hoy ny renim-pianakaviana iray.

Toky R