Sosialy

Fidangan’ny vidin’entana Fa lasa aiza ilay fanaraha-maso ?

Sosialy
Alatsinainy 06 Jolay 2020

Mbola mitohy ve ny fanaraha-maso ny vidin’entana eny an-tsena sa efa lasa ny zavatra taloha ?

Tsikaritra ho midangana indray ankehitriny ny vidin’ireo entana ilaina andavan’andro. Mahatratra 620 ariary ny kapoakan’ny vary eny amin’ny mpaninjara. Mbola misy ve ilay minisitra tonga teny amin’ny tsenan’Anosibe, Namontana, Andravoahangy ka nijery ifotony sao misy manararaotra ? Ny tena andrasan’ny mpanjifa indrindra moa dia ny fisian’ireo iraka manokana avy amin’ny ministera mba hidina amin’ny toerana toa an’ireny matetika. Mila ambenana toy ny omby, hoy ny fitarainan’ireo mpanjifa, ireo mpivarotra vao mampidina vidin’entana. Vao midify anefa ireo tompon’andraikitra dia miverina manao ny ataony indray izy ireo. Hatramin’ny vidin’ny atody aza manomboka miakatra, ary asiana tombony kely daholo ny entana.Manomboka amin’ny 50 ariary io tombony io ka rehefa ela ny ela mety ho tonga hatrany amin’ny 200 ariary.Ny olona anefa efa tena sahirana.

J. Mirija