Sosialy

Fidangan’ny vidin-jiro Niaiky ny minisitra fa tena nisy tokoa ny tsy nety

Sosialy
Sabotsy 21 Aprily 2018

Niaiky tokoa mantsy Rasoloelison Lanto, ministry ny rano sy ny angovo ary ny akoran’afo omaly fa tena nisy tokoa ny tsy nety tamin’ny famaritana ny vidin-jiro nataon’izy ireo, indrindra fa ho an’ireo olona mampiasa ilay tarif 16 nefa mandany latsaky ny 130 Kwh ka tsy maintsy hanaovana vidin-jiro vaovao.

Misy amin’izy ireo mantsy raha araka ny fanazavany no mandany hatrany amin’ny 70 Kwh isam-bolana ka lasa tratra ilay vidin-jiro 370 Ar isaky ny Kwh, vidin-jiro tokana izay nomarihiny fa hahazoan’ireo mampiasa jiro mihoatra ny 130 Kwh isam-bolana tombony be dia be. Hanomboka hijery sy hanara-maso ireo mpanjifa ireny araka izany ny orinasa JIRAMA amin’ity volana aprily ity. Tafiditra ao anatin’izany ny fanaraha-maso ny compteur amin’ny volana mey raha amin’ny volana Jona kosa vao tena hivoaka ny vidin’ny fandanian-jiro tena lanin’izy ireny marina. Ny 40 %-n’ireo mpanjifa moa amin’ny ankapobeny no tena voakasik’izany raha mandany latsaky ny 25 Kwh isam-bolana kosa ny 55 %- n’ireo mpanjifa hafa amin’ny sarany 141 Ar isaky ny Kwh. Nanambara moa ny ministra fa havoakan’izy ireo tsy ho ela io vidin-jiro vaovao io mba ho fantatry ny besinimaro.

Pati