Sosialy

Fiatrehana ny loza voajanahary Hanome 50 tapitrisa dolara ny Banky Iraisam-pirenena

Sosialy
Alatsinainy 02 Desambra 2019

Hotontosaina amin’ity volana desambra ity ny famoaham-bola 50 tapitrisa dolara avy amin’ny banky iraisam-pirenena, izay tohana ara-bola ho an’i Madagasikara.

Natokana manokana ho an’ny fiatrehana ny loza voajanahary sy ny hamehana ara-pahasalamana mety hitranga io. Eo ihany koa ny fametrahana ny fenitra nasionaly amin’ny fananganana fotodrafitrasa mifanaraka amin’ny toe-javatra ara-boajanahary mety hiseho. Efa nofaritana tamin’ny filankevitry ny minisitra tany amin’ny volana oktobra io fenitra tsy maintsy arahina. Heverina izany ny hisian’ny fanampiana isan-karazany ara-tsosialy, ary mety hisy fananganana fotodrafitrasa handeha ihany koa, izay vokatry ny tohana avy amin’ny mpamatsy vola mahazatra amin’ny alalan’ny Banky Iraisam-pirenena. Irariana mba tonga sy ho voatsinjara amin’ireo tena mila izany, ary tsy ho lasa fitaovana politika, toy ny efa fahita matetika.

Toky R