Sosialy

Fiatrehana ny fotoam-pahavaratra Vonona tanteraka APIPA

Sosialy
Zoma 04 Janoary 2019

Vonona tanteraka amin’ny fiatrehana ny fotoam-pahavaratra ny APIPA, raha araka ny fanazavan’ny tale jeneraliny Rateloson Philippe.

Fahombiazana ho azy ireo tokoa mantsy iny taona 2018 efa nivalona iny satria dia tapitra nanaovana asa avokoa ireo vola teo am-pelatanan’izy ireo ka tsy misy intsony ny ahiana. Betsaka ireo fotodrafitrasa vita raha ny fanazavany omaly. Anisan’ireny ny fanamboarana ny tohodrano tao anatin’ny distrikan’ Antananarivo Atsimondrano, ny teny Ampangabe raha voakasika, ny teny Alasora. Manginy fotsiny ny asa fanadiovana fanao amin’ny andavanandro. Vao mainka hohamafisina ny asa vitan’ny APIPA amin’ity taona 2019 ity, hisorohana ny tundra-drano eto amin’ny Faritra Analamanga. Hojerena manokana, hoy ny tale jeneraliny ireo fefiloha hita fa marefo ka anisan’izany ny ao Soavina izay vaky matetika. Arahi-maso akaiky ihany koa ny fikojakojana ireo vanona. Ho an’ny station de pompage etsy Ambodimita manokana dia fantatra fa efa vita tanteraka ny asa fikarakarana ary efa vonona handray ny rano manerana ny tanànan’Antananarivo, Faritra Analamanga izy io. Anisan’ny antom-pisiany moa ny hiaro ny fiakaran’ny rano amin’ireo renirano lehibe eto amintsika toa an’i Ikopa, Sisaony…Tsiahivina fa amin’ny 15 aprily any vao hifarana tanteraka ny fotoam-pahavaratra raha efa ao anatiny tanteraka isika ankehitriny.

Pati