Sosialy

Fiaraha-mientan’ny mpiasam-panjakana Malagasy Miandry ny fanatsarana ny karamany

Sosialy
Talata 02 Aprily 2019

23 taona no efa nanomezan’ny fiaraha-mientan’ny mpiasam-panjakana Malagasy na F3M soso-kevitra ny amin’ny mba hijerena ny tontolon’ny karaman’ny mpiasa eto Madagasikara, hoy ny filohany, Florentin Ramamonjisoa.

Jereo ny mari-karama, ny tambin-karama isan-karazany toy ny resaka fonenana, izay resaka tambin-karama rehetra ary ny fomba fanakaramana ny mpiasam-panjakana mihitsy. Tamin’ny andron’ny filoham-pirenena Hery Rajaonarimampianina izahay nanome tolo-kevitra ny amin’ny hitadiavana vahaolana hampitomboana ny lanjan’ny volan’ny Malagasy kanjo ny mifanohitra amin’izay no nitranga. Tonga ny 20.000 ariary tokana, hoy ity mpiasam-panjakana ity. Nihen-danja ny vola Malagasy. Tonga indray io ny filoha Andry Rajoelina. Nilaza koa izy fa hanamboatra ny karaman’ny mpiasam-panjakana. Tsy sanatria fandrahonana, hoy hatrany ny tenany, fa raha te hitondra fanjakana maharitra dia jereo ny mpiasa. Rehefa milamina ny karaman’ny mpiasa dia mandroso ny firenena, hoy ny namaranany ny teniny.

J. Mirija