Sosialy

FIARA TSY MIPETRAKA AMIN’NY “PARKING” 6 isan’andro no tratry ny Easy Park

Sosialy
Alatsinainy 26 Aogositra 2019

Enina isan’andro ireo fiara tratran’ny Easy park tsy mipetraka amin’ny toerana tokony hijanonany eto an-drenivohitra, antony miteraka fitohanana etsy sy eroa sy ny tsy fahafahan’ny mpandeha an-tongotra mampiasa ny lalana sahaza azy.

Tamin’ny sabotsy maraina teo fotsiny, ohatra, dia tafakatra dimy izy ireo, sarona teny Behoririka sy ny manodidina ka voatery nametahana ilay fitaovana sy hahafahan’ny fiara mihetsika aloha. Raha araka ny fanazavan’ny tompon’andraikitra dia ireo fiara tsy manara-dalàna tahaka izany no tena voakasika miampy ireo tsy nahaloa ny lamandy tokony haloan’ny tompony ao anatin’ny 45 andro. Tanjon’ity sampandraharaha iray ity moa ny hanamorana ny fifamoivoizana eto an-drenivohitra, indrindra amin’izao fotoam-pialan-tsasatra lehibe izao izay mahabetsaka ny olona mivezivezy. Tsiahivina moa fa eny Behoririka, Tsiazotafo, Ambodifilao, Analakely… no toerana hiasan’ny Easy Park hatreto.

Pati