Sosialy

Fianarana any ivelany Firenena 4 no tena mahaliana ireo tanora Malagasy

Sosialy
Zoma 15 Novambra 2019

Tena mahaliana ny tanora Malagasy, indrindra ireo vao afa-panadinana Bakalôrea ny hanohy fianarana any ivelany.

Hatreto raha araka ny fanadihadiana natao dia firenena telo no tena mahaliana azy ireo dia i Kanada, Etazonia, Alemana ary ny Nosy rahavavy Maorisy. Hianatra momba ny business no tena mahaliana ireo ankizy saingy mitaky fahaizana sy fahafehezana ny tenim-pirenena vahiny kosa izany miankina amin’ilay firenena handehanana. Mba ho fanomezana fahafaham-po azy ireny ary dia manatanteraka hetsika antsoina hoe : “global expo special” etsy amin’ny hotel Carlton ny Faneducation agency nanomboka omaly. Haharitra roa andro izany ka anisan’ny tanjona ny hanampiana ireo ankizy liana te-hanohy fianarana any ivelany, manomboka amin’ny fikarakarana ny antontan-taratasiny ka hatramin’ny fifanentanany ireo oniversite lehibe tiany hianarana. Tsiahivina moa fa ankoatra ireo oniversite lehibe toy ny any Amerika, Eoropa, dia anisan’ny vaovaobe azon’ireo mpianatra Malagasy handehanana ihany koa izao ny any Azia sy Afrika. Mikasika ny vola omanina sy ilaina indray dia miankina amin’ilay sekoly ambony sy ny firenena handehanana izany.

Pati