Sosialy

Fianakaviana saika hamadika Razana iray sisa hita tao am-pasana

Sosialy
Talata 27 Aogositra 2019

Mirongatra ny vaky fasana eto amintsika. Fasana iray indray no lasibatr’ireo mpanao ratsy tao Ambohimiarivo, kaominina ambanivohitra Andranomanelatra, distrikan’Antsirabe II ny alatsinainy 19 aogositra lasa teo.

Fianakaviana handeha hamoha fasana tamin’io andro io, nikasa hanatanteraka famadihan-drazana no nahita ny zava-nitranga ka ankona tanteraka. Razana lena iray vao nalevina fotoana vitsy sy karandoha sisa no hitan’izy ireo tao am-pasana fa lasan’ireo tsy mataho-tody avokoa ny ambiny. Niparitaka tao am-pasana ny lamban-drazana ary mbola narahan’ireo jiolahy hafatra fa « Asakasak’izay tsy hanao fa 70.000 Ar ny kilao ». Fasana somary mitokana ao an-tendrombohitr’Ankarana ity lasibatra ity. Efa nampandre ny mpitandro ny filaminana ireo tompom-pasana raha ny fantatra hatrany.

Pati