Sosialy

Fialantsasatra Mbola manintona olona ny maro i Mahajanga

Sosialy
Alatsinainy 12 Aogositra 2019

Toerana fandraisam-bahiny 30 isan-taona no mitsangana any Mahajanga noho ny fahamaroan’ny mpizahatany tonga any.

Teratany Malagasy ny ankamaroan’ny mpitsidika, indrindra rehefa vanimpotoanan’ny fialantsasatra tahaka izao. I Mahajanga rahateo koa moa no mitana ny laharana voalohany amin’ny toerana be mpitsidika indrindra eto Madagasikara ary tena mahavantana ny mpiala sasatra. Olana hatrany ny tsy fahampian’ny fiomanana sy ny fotodrafitrasa mialoha ny fandraisana ireo mpizahatany tonga maro. Manodifina ny 2 hetsy isan-taona anefa izy ireny no tonga mitsidika ny tanànan’i Mahajanga rehefa vanim-potoanan’ny fialantsasatra tahaka izao. Misy ny hetsika maro isan-karazany tahaka ny rallye de Boeny sy ireo kilalao maro be ankoatra ny morontsiraka. Tokony hisy fandraisana andraikitra mialoha satria tsy vitan’ny miteraka fampandrosoana eny ifotony izany fa misy akony amin’ny toekarena ankapobeny mihitsy.

Tsirinasolo